مت رو بچے رو رو کے ابھی تیری امی کی آنکھ لگی ہے مت رو بچے کچھ ہی پہلے تیرے ابا نے اپنے غم سے رخصت لی ہے مت رو بچے تیرا بھائی اپنے خواب کی تتلی پیچھے دور کہیں پردیس گیا ہے مت رو بچے تیری باجی کا ڈولا پرائے دیس گیا ہے مت رو بچے تیرے آنگن میں مردہ سورج نہلا کے گئے ہیں چندر ما دفنا کے گئے ہیں مت رو بچے
امی، ابا، باجی، بھائی چاند اور سورج تو گر روئے گا تو یہ سب اور بھی تجھ کو رلوائیں گے تو مسکائے گا تو شاید سارے اک دن بھیس بدل کر تجھ سے کھیلنے لوٹ آئیں گے
ہم جیتیں گے حقّا ہم اک دن جیتیں گے بلآخر اک دن جیتیں گے کیا خوف زیلغارِ اعداء ہء سینہ سپر ہر غازی کا کیا خوف زیورشِ جیش قضا صف بستہ پہں ارواح الشہداء ڈر کاہے کا؟ ہم جیتیں گے حقّا ہم اک دن جیتیں گے قد جاء الحق و زہق الباطل فرمودہ ربِ اکبر ہے جنت اپنے پائوں تلے اور سایہ رحمت سر پہ پے پھر کیا ڈر ہے؟ ہم جیتیں گے حقّا ہم اک دن جیتیں گے بلآخر اک دن جیتیں گے
وا میرے وطن! وا میرے وطن! وا میرے وطن! مرے سر پر وہ ٹوپی نہ رہی جو تیرے دیس سے لایا تھا پاؤں میں وہ اب جوتے بھی نہیں واقف تھے جو تیری راہوں سے مرا آخری کرتا چاک ہوا ترے شہر میں جو سلوایا تھا اب تیری جھلک بس اڑتی ہوئی رنگت ہے میرے بالوں کی یا جُھریاں میرے ماتھے پر یا میرا ٹوٹا ہوا دل ہے وا میرے وطن! وا میرے وطن! وا میرے وطن!
کہا تھا تہیں نہ بنائو ہمیں کو سالار کچھ کام تو بدحواسی کا کرنا ہی تھا ہمیں معلوم پڑا ہم کو یہ کشتیاں جلانے کے بعد یہ وہ ساحل ہی نہ تھا جہاں اترنا تھا ہمیں
کالج۔۔۔۔۔۔۔۔۔۔ہوتا ہے شب و روز تماشا میرے آگے اساتذہ۔۔۔۔۔۔۔۔۔۔کرتے ہیں محبت تو گزرتا ہے گماں اور کالج گرل ۔۔۔۔۔۔۔۔۔۔آرائش جمال سے فارغ نہیں ہنوز کینٹین میں۔۔۔۔۔۔۔۔۔۔ساقی نے کچھ ملا نہ دیا ہو شراب میں پرچہ امتحان۔۔۔۔۔۔۔۔۔۔پوچھتے ہیں وہ ک غالب کون ہے؟ رزلٹ۔۔۔۔۔۔۔۔۔۔نیند کیوں رات بھر نہیں آتی بعد از رزلٹ۔۔۔۔۔۔۔۔۔۔روئیے زار زار کیا کیجئے ہائے ہائے کیوں نظم و ضبط۔۔۔۔۔۔۔۔۔۔لوگ کہتے ہیں کہ یہ ہمیں منظور نہیں چیف پراکٹر۔۔۔۔۔۔۔۔۔۔مژدہ قتل مقدر ہے جو مذکور نہیں (دی کمیونیکیٹر، ایف سی کالج، لاہور)
